पाल्पा । नेपालीहरुको दोस्रो ठूलो पर्व दिवापली अर्थात तिहार नजिकिर्दै गएसैगै जिल्ला सदरमुकाम तानसेन सहित ग्रामीण क्षेत्रका बजारहरुमा चहलपहल बढ्न थालेको छ ।
बजारमा दिवावलीका लागि आवश्यक सामग्रीहरु फूल, रङ र बत्तीहरू विक्रीका लागि सजाएर राखिएको छ । जसले गर्दा बजारनै झिलिमिली बनेको छ । यस्तैगरी तिहारका लागि किनमेल गर्न आउने उपभोक्ताहरुका कारण पाल्पा सदरमुकाम तानसेन बजार सहितका अन्य ग्रामीण बजारमा चहलपहल समेत बढ्न थालेको छ ।
तानसेनको बैंक रोड, शित्तलपाटी, विशालबजार, नारायणस्थानलगायतका क्षेत्रमा किनमेल गर्ने मानिसहरूको भीडभाड अत्यधिक बढेको छ । तिहारलाई लक्षित गरेर बजारमा विभिन्न किसिमका बत्तीहरू सजाइन थालेको छ भने व्यापारीहरूले तिहारको भाइ मसलालगायत सामग्री तथा टीका फूलमालाहरूको पनि विक्री सुरू भएकोले उपभोक्ताको भिड बढेको तानसेनका व्यापारी तजवीर मियाले बताउनुभयो ।
यसैबीच स्थानीय सरकारले प्लाष्टिकजन्य फूलमालाको प्रयोग नगर्न र स्थानीयस्तरमा कृषकले उत्पालन गरेको प्राकृतिक फूलको प्रयोग गर्न आग्रह गर्दै सूचना जारी गरेपनि व्यापारीहरुले भने प्लाष्टिकका फूलमाला विक्रीलाई सजायर राखेका छन । तानसेन नगरपालिकाले पनि एक सूचना जारी गदै प्राकृतिक फूलमालाको प्रयोग गर्न आग्रह गरेको प्रमुख प्रशासकीय अधिकृत जीवन ज्ञवालीले जानकारी दिनुभयो । उहाँले फूल पाइने स्थान र कृषकको विवरण सहित सर्वसाधरणको जानकारकिा लागि सूचना प्रकाशन गरिएको बताउनुभयो ।
पाल्पाका अधिकांश स्थानीय तह सयपत्रि फूलमा आत्मनिर्भर रहेको दावी गर्दै प्लाष्टिकका फूलमाला प्रयोग नगर्न नगराउनुहुन आमनागरिकलाई अनुरोध गरेका छन । अनुरोध विपरित व्यापारिहरुले विक्री वितरण गरेको भएपनि यसको नियमनमा भने खासै ध्यान पुग्न सकेको छैन् । प्लाष्टिकका फूलामाला वातावरण र मानव स्वास्थ्य दुवैको प्रतिकुल रहेकोले प्राकृतिक फूलको प्रयोग गर्दा कृषकलाई प्रोत्सहान मिल्नुका साथै मानव स्वास्थ्य र वातावरणमा समेत राम्रो हुने माथागढी गाउँपालिकाका अध्यक्ष यमबहादुर चिदीले बताउनुभयो ।
