पाल्पा । रिब्दीकाेट गाउँपालिकाेकाे भैरवस्थानमा फागु महाेत्सव सुरू भएकाे छ ।
लुम्विनी प्रदेशका प्रमुख धर्मनाथ यादवले महाेत्सवकाे उद्घाटन गर्नुभएकाे हाे । प्रदेश प्रमुख यादवले नेपाली माैलिक परम्परा र संस्कृतिकाे जगेर्ना गर्न यस्ता महाेत्सवले याेगदान दिने बताउनुभयाे । उहाँले पुराना पुस्ताले नयाँ पुस्तालाई संस्कृति र संस्कार हस्तान्तरण गर्न सकेको अवस्था मात्र संस्कृतिको संरक्षण हुने बताउनुभएकाे छ । उहाँले सबै नेपाली नागरिकले अधिकारकाे खाेजी गर्दा कर्तव्य पनि भुल्न नहुनेमा जाेड दिनुभयाे ।
कार्यक्रममा गाउँपालिका अध्यक्ष नारायण बहादुर जिसीले भैरवस्थानमा सञ्चालित महोत्सवकाे ऐ्तिहासिक रूपमा छुट्टै महत्व रहेकाले यसकाे संरक्षण गर्न स्थानीय सरकारले चासाे लिएकाे बताउनुभयाे । फागु संस्कृतिका लागि भैरवस्थान, खस्याैली र देउरालीले विशेष महत्व दिदैँ छन् । स्थानीय समुदायमा प्रचलित फागु नाच लगायत अन्य संस्कृतिकाे संरक्षण र नयाँ पुस्तामा हस्तान्तरण गर्न फागु महाेत्सवकाे आयाेजना गरिएकाे हाे । महाेत्सव चैत्र १५ गतेसम्म चल्नेछ ।
