गुणाकर अर्याल
मदनपोखरा, पाल्पा
मलाई पनि छाडेनन्
उनीहरु पहिला चिनमा पुगे
र चिनियाँहरुलाई लगे
यतिवेला मैंले सुनेको नसुन्यै गरें
किनभनें म चिनियाँ थिइन
यसपछि उनीहरु यूरोपतिर लागे
विश्वप्रशिद्ध धेरै खेलाडीहरुलाई चपाए
यतिवेला पनि म चुपचाप बसें
किन भने म यूरोपियन थिइन
त्यसपछि उनीहरु अमेरिकातिर छिरे
लखौं अमेरिकनहरुलाई घिसारे
यतिवेला पनि मलाई त्यस्को वास्ता भएन
किनकि म अमेरिकन थिइन
त्यसपछि उनीहरु भारतमा पसे
हजारौंको हत्या गरे
मैंले समाचार सुने मात्र, केही बोलिन
किनभने म इन्डियन थिइन
चैतमा त उनीहरु नेपालमैं आइपुगे
१०\२० गर्दै सयौंं जनाको प्राण लिए
मैंले टेलिभिजनबाट थाहा पाएँ तर जुर्मुराइन
कारण उनीहरु मेरा नातेदार थिएनन्
यसपछि उनीहरु मेरो गाउँमा नै आईपुगे
धेरै गरीवहरुको गला निमोठे
मैंले विचरा मात्र भनें तर केही गरिन
किनभने म गरिव थिइन
आज त उनीहरु मेरै घरमा आए
मलाई मास्क नलगाएको ,हात नधोएको पाए
धेरैजनासंग एकै ठाउँमा बसेको पाएपछि
मलाई अठ्याउन उनीहरुलाई सजिलो भयो
यसरी उनीहरुले मलाई पनि छाडेनन्
मैंले छरछिमेकमा हारगुहार मागें
तर कोही पनि आएनन्
कारण यतिवेला छिमेकमा कोही पनि थिएनन् ।।
