पाल्पा जिल्लाको सिद्धार्थ राजमार्गमा अवस्थित होटल तथा रेष्टुरेन्ट अनुगमन गरिएको छ । सिद्धार्थ राजमार्ग अन्तर्गत तानसेन नगरपालिका वडा नं.८ र तिनाउँ गाउँपालिका वडा नं.५ मा अनुगमन गरिएको हो ।
सिद्धार्थ राजमार्ग अन्तर्गत पाल्पाको तानसेन नगरपालिका र तिनाउ गाउँपालिकाको गौणे पुल देखि भालेबास सम्मको ३१ वटा होटल तथा रेष्टुरेण्टमा अनुगमन गरिएको घरेलु तथा साना उद्योग कार्यालय पाल्पाका उद्योग अधिकृत श्याम कुमार पौडेलले बताउनुभयो ।उहाँले हरेक दिन खाद्य रुपमा प्रयोग गर्ने क्षेत्रमा विशेष गरी बटुक पकैड जस्ता तारेका खानेकुराहरु घेरै मानिसहरुको स्वास्थ्यसगँ जोडिएकाले वर्षेनि संयुक्त अनुगमन गर्दै आएको बताउनुभयो । उहाँले अहिलेको अनुगमनमा देखिएका अधिकाशं कुराहरु विगतको भन्दा क्रमश सुधार हुदै गईरहेको बताउनुभयो।
अनुगमन गर्दा होटल तथा रेष्टुरेण्टमा प्रयोग गरिरहेको तारेको तेल,रङ र चाउमिन गरि करिब २४ सय बराबरको संयुक्त अनुगमन टोलीले नष्ट गरेको छ । साथै अनुगमनका क्रममा सरसफाइमा विशेष ध्यान दिन र तारेका तेलमा ध्यान दिनु पर्ने निर्देशन दिएको छ ।
अनुगमनमा खाद्य प्रविधि तथा गुण नियन्त्रण डिभिजन कार्यालय पाल्पा, जिल्ला प्रशासन कार्यालय पाल्पा, घरेलु तथा साना उद्योग कार्यालय पाल्पा,जिल्ला प्रहरी कार्यालय, नेपाल पत्रकार महासंघ तथा अन्य सरोकार निकायहरुको सहभागितामा गरिएको थियो ।
