सामुदायिक रेडियो मदनपोखरा
सामुदायिक रेडियो मदनपोखरा


Breaking
रम्भाले स्थापना गर्यो ५० शैयाको क्वारेन्टाईन रिब्दीकोटले बन्द गर्यो विद्युतिय हाजिरी रम्भाले गर्यो सबै विद्यार्थीको दुर्घटना विमा रिब्दीकोटमा कोरोना सचेतना र निशुल्क माक्स वितरण रिब्दीकोटको चिस्यान केन्द्रमा राखिएका सुन्तला दोब्बर मुल्यमा बिक्री शाखा खोलेर गैरकानुनी कारोबार गर्दै लालीगुराँश सहकारी कोरोनाको हल्लाले पाल्पामा मास्क अभाव पर्यटकको आतिथ्यतामा सुधार गर्न पाल्पाका होटल व्यवसायिलाई अनुरोध बन्दिपोखरामा बैंकबाट सामाजिक सुरक्षा भत्ता रम्भामा एक घर एक धारा अभियान तिव्र बगनासकाली द्धारा ५० प्रतिशत अनुदानमा मौरीपालन सामग्री वितरण एन आई सी एशिया बैंकद्धारा विमा दावी रकम प्रदान मेला महोत्सव नगर्न जिल्ला प्रशासन कार्यालय पाल्पाको अनुरोध पाल्पा चिनाउन पोखरामा डिजिटल स्क्रिन पाल्पा महोत्सव : माटो परिक्षण गराउन किसानको भिड पाल्पा महोत्सव : टपरीमा स्वादिष्ट ममको व्यापार भ्याई नभ्यााई पाल्पा महोत्सवमा गोरु नारेर पेलेको अर्गानिक खुदो (फोटोफिचर) पाल्पा महोत्सवमा महिलाहरुको खानाघर आकर्षणको केन्द्र दमकडामा पाल्पा महोत्सवको भव्य उद्घाटन ओके बाजेद्धारा रेडियो मदनपोखरामा उत्कृष्ट उद्यमी अक्षयकोष स्थापना सहकारिको तरकारि बोकेको जिप दुर्घटना पत्रकार महासंघ पाल्पाको सदस्यमा थप ९ जना सिफारिस फरक क्षमताका विद्यार्थीलाई रिब्दीकोटको न्यानो कपडा पराेपकारी संगिता : विद्यार्थी र वृद्धहरु संग जन्मदिन छाेराकाे जिवन विमा बन्याे बयम्बुकाे जिउने आधार रिब्दीकोटमा आउँदो बर्ष सबै घरमा धारा चापपानीको पिपल काण्ड नालीबेली श्रीपञ्चमीको अवसरमा दमकडा माविमा अक्षरारम्भ पाल्पा महोत्सव २०७६ को तयारी तिब्र स्थानिय तहले गरेका कामको प्रचार हुन सकेन : रिब्दीकोट अध्यक्ष जिसी विजय दौड पाल्पामा बेलायती देखी जापानी नागरिक (फोटोफिचर) पर्यटन बर्ष प्रवर्द्धनका लागी पाल्पामा दौड प्रतियाेगिता हुने नेकपा पाल्पाको अध्यक्षमा आचार्य, नेतृत्व चयनले कार्यकर्ता उत्साहित हिन्दुको भगवान मानिने डेढसय गाई ऋिषिकेश मन्दिर परिसरमा बेवारिस कालीगण्डकीमा र्याफ्टिङ उत्सव कहाली लाग्दो गरिबी : बाल्यकाल संस्मरण वरिष्ठ पत्रकार कसजूलाई राष्ट्रिय पत्रकारिता पुरस्कार कोभिड १९ महामारीमा पत्रकारको आर्थिक संकट र सिर्जित चुनौतिहरू पाल्पाकाे भैरवस्थानमा फागु महाेत्सव सुरू गोपालप्रसाद बस्यालको घरदेखि परसम्म विमोचन

नेपाल पत्रकार महासंघ पाल्पाकाे साधारणसभा सम्पन्न

पाल्पा- नेपाल पत्रकार महासंघ पाल्पाको १२ औं साधारण सभा तानसेनमा सम्पन्न भएको छ ।

साधारणसभाले सचिव किरण काैशलले प्रस्तुत गरेकाे सांगठनिक प्रतिवेदन, काेषाध्यक्ष मिलन विश्वकर्माले प्रस्तुत गरेको आर्थिक प्रतिवेदन सर्वसम्मतिले पारित गरेकाे छ । लुम्बिनी मेडिकल कलेजकाे सहयाेगमा स्थापित राष्ट्रिय पत्रकारिता पुरस्कारकाे कार्यविधि पनि पारित गरेकाे छ । साधारणसभाले पत्रकारहरूकाे एउटा सहकारी स्थापना गरी सञ्चालन गर्न सैद्धान्तिक सहमति पनि प्रदान गरेकाे महासंघका अध्यक्ष राजेशकुमार अर्यालले बताउनुभयाे ।

साधारण सभाका अवसरमा जिल्लामा क्रियाशिल १८ जना पत्रकारहरु पुरस्कृत भएका छन् । तानसेन नगरपालिकाको सहयोगमा स्थापना भएको उत्कृष्ट पत्रकारिता पुरस्कारबाट श्रीनगर एफएमका स्टेशन म्यानेजर देव पचभैया र रेडियो रामपुरका बासुदेव ढकाल पुरस्कृत हुनुभयो । उत्कृष्ट पत्रकारिता पुरस्कारकाे राशी १५ हजार, ताम्रपत्र र दोसल्लाले रहेकाे छ । साविक जिल्ला विकास समितिको सहयोगमा स्थापना भएको सिर्जनशील पत्रकारिता पुरस्कारबाट सनराइज टेलिभिजनका प्रबन्धक सन्तोष बस्याल , रेडियो रामपुरकी रमादेवी अर्याल, रेडियो मुक्तिनाथका स्टेशन प्रबन्धक भुवन रायमाझी र रेडियो मदनपोखराका समाचार बाचक विजय बौडेल नगद ७ हजार ५ सय र प्रमाणपत्रले सम्मानित हुनुभएको छ । रेडियो रामपुरकी बन्दना पोखरेल र रेडियो पाल्पाका इमानसिंह रानालाई ग्रामीण पत्रकारिता पुरस्कार प्रदान गरिएको छ । रामपुर नगरपालिकाको सहयोगमा स्थापना भएको सो पुरस्कारको राशी १० हजार नगद र प्रमाणपत्र रहेको छ ।

यस्तै साेमनाथ अर्यालद्वारा स्थापित मानवअधिकार पत्रकारिता पुरस्कारबाट रेडियो मदनपोखराका बीरेन्द्र घिमिरे, बुद्धीप्रसाद शर्माको सहयोगमा स्थापना भएको देवीभक्त चोलकुमारी सामाजिक पत्रकारिता पुरस्कारबाट अनिल लिगल पुरस्कृत हुनुभयो ।  अधिकारकर्मी विनाेद पहाडीद्वारा स्थापित सामाजिक जागरण पत्रकारिता पुरस्कारबाट गाउँले देउराली साप्ताहिकका तुलबहादुर थापालाई पुरस्कृत गरिएको छ । लेखनवृत्ति प्रोत्साहन पुरस्कार पत्रकारहरु यज्ञमूर्ति तिमिल्सेना, मुक्तिप्रसाद न्यौपाने, डोलबहादुर विक, दीपक भट्टराई, दयाराज न्यौपाने, विष्णुप्रसाद घिमिरे र भोजराज तिमिल्सेनालाई प्रदान गरिएको छ । 

साधारण सभाको केन्द्रीय अध्यक्ष गोविन्द आचार्यले उद्घाटन गर्नुभयो । उद्घाटन मन्तव्य व्यक्त गर्दै अध्यक्ष आचार्यले पत्रकार महासंघ प्रेस स्वतन्त्रता संगै राष्ट्रिय हित देखि नागरिक हितको पक्षमा पैरवी गर्ने संस्था रहेको बताउनुुभएको छ । उहाँले महासंघ नेपालको पहिलो नागरिक अगुवा संस्था रहेको बताउनु भयो । उहाँले भन्नुभयो, “पत्रकारिता क्षेत्रको हकहित र अधिकार, मिडिया हकहित, प्रेस स्वतन्त्रता, राष्ट्रिय हित र नागरिक हितमा एड्भोकेसी गर्ने संस्था नेपाल पत्रकार महासंघ हो ।”

नेपाल पत्रकार महासंघकाे पाल्पा शाखा नेपालमै पत्रकारिता देशमै उदाहरणीय शाखाका रूपमा रहेको बताउनुभयो । इमान, जमान र नैतिकताको पाठ सिक्न पत्रकार महासंघ पाल्पा शाखा जस्तो हुनुपर्छ भन्ने देशभरीनै चर्चा हुने गरेका अध्यक्ष आचार्यको भनाई थियाे । उहाँले स्वाभिमानी पत्रकारको शाख जोगाउन तल्लिन शाखा अध्यक्ष राजेशकुमार अर्याललाई समेत बधाई तथा धन्यवाद दिनुभयो । कोही संग तेल माग्दैन, केही माग्दैन, तल माथि गर्देन भन्ने सन्देश नेपाल भरी फैलिएको भन्दै अध्यक्ष आचार्यले पत्रकार महासंघको जीवनमा पाल्पा शाखाले रणनैतिक महत्व बोकेको बताउनुभयो ।

साधारण सभामा संस्थापक अध्यक्ष मेघराज शर्माले प्रविधिको विकास भए पनि पत्रकारको समस्या उस्तै रहेको भन्दै यसतर्फ सोच्ने समय आएको बताउनुभयो ।  लुम्बिनी प्रदेशका प्रदेशसभा सदस्य नारायणप्रसाद आचार्यले पत्रकारिताले द्वन्द बढाउने नभई समाधान गर्ने तर्फ अग्रसर हुन आग्रह गर्नुभयो । तानसेन नगरपालिकाका नगर प्रमुख अशोक कुमार शाहीले पत्रकारिता क्षेत्रको विकासको लागि सरोकारवालाहरुले सोच्नु पर्ने बताउनुभयो । उहाँले पछिल्लो समय शक्तिको भरमा कुनै पनि कुरा सत्यमा रुपान्तरण हुने हो कि भन्ने त्रास बढेको भन्दै सचेत हुनु पर्ने बताउनुभय‍ो । नेपाल पत्रकार महासंघका केन्द्रीय सदस्य बसन्त गिरिले पाल्पाली पत्रकारिताले समग्र मुलुकको पत्रकारिताको गरिमा उच्च बनाएको बताउनुभयो ।

रिब्दिकोट गाउँपालिकाका अध्यक्ष नारायण बहादुर जिसीले नयाँ प्रतिभालाई उजागर गर्दै संस्थागत विकासमा जानु पर्ने बताउनुभयो ।  प्रमुख जिल्ला अधिकारी रमेश न्यौपानेले पाल्पाली पत्रकारिताले विकास संगै सुशासनको लागि महत्वपूर्ण योगदान दिएको बताउनुभयो । नेपाली कांग्रेस पाल्पाका सचिव अजयमान कर्माचार्यले मुलुक हरेम परिवर्तनमा पत्रकारिता क्षेत्रले खेलेको बताउनुभयो ।

राष्ट्रिय प्रजातन्त्र पार्टीका अध्यक्ष रेवन्त बहादुर विष्ट र राष्ट्रिय जनमोर्चा पाल्पाका नरमति सिंजालीले राजनैतिक भन्दा बाहिर रहेर पत्रकारिता गर्दै समाजको विश्वास जितेर काम गर्न आग्रह गर्नुभयो । गैर सरकारी संस्था महासंघका भेषराज तिमिल्सिना, नेपाल रेडक्रस सोसायटी पाल्पाका सभापति बुद्धि प्रसाद शर्मा, युनाईटेड मिसन अस्पतालका अध्यक्ष डाक्टर रचेल कारक, पाल्पा उद्योग वाणिज्य संघका उपाध्यक्ष यादव सिंह कार्की, पाल्पा व्यापार संघका अध्यक्ष चिरञ्जीवी पोखरेल, शिक्षक महासंघ पाल्पाका अध्यक्ष देवी प्रसाद भट्टराई, प्याब्सन पाल्पाका अध्यक्ष भरत न्यौपाने, ग्रामीण आर्थिक विकास संघ रेडा पाल्पाका कार्यकारी निर्देशक लिला कार्कीले विकासमा महत्वपुर्ण भुमिका खेल्दै आएको विचार व्यक्त गर्नुभयाे। पुरस्कृत पत्रकार मध्ये बाट देव पचभैयाले अब पत्रकारहरुको भविष्यवृतिको लागि सोच्नु पर्ने समय आएको बताउनु भयो । नेपाल पत्रकार महासंघ पाल्पाका पुर्व अध्यक्ष झपेन्द्र गहिरेले पुरस्कारको घाेषणा गर्नुभएको थियो ।

साधारण सभा उपाध्यक्ष भरत शर्माको स्वागत, किरण कौशलको सञ्चालन र नेपाल पत्रकार महासंघ पाल्पाका अध्यक्ष राजेश कुमार अर्यालको अध्यक्षतामा चलेकाे थियाे ।