बैशाख १४, पाल्पा । पाल्पामा आज थप ४१ जनामा कोरोना संक्रमण देखिएको छ ।
वितेको २४ घण्टामा ७८ जनाको स्वाव परीक्षण गर्दा ४१ जनामा संक्रमण पुष्टी भएको स्वास्थ्य कार्यालय पाल्पाका सूचना अधिकारी ओमप्रकाश पन्थीले बताउनुभयो । संक्रमितमध्ये २५ जना पुरुष र १६ जना महिला रहेका छन् । जिल्लाको सदरमुकाम तानसेनमा सबैभन्दा धेरै ३१ जना संक्रमित थपिएका छन्। यस्तै रामपुर नगरपालिकामा १, माथागढी गाउँपालिकामा २, रम्भामा १, बगनासकालीमा २, तिनाउमा १, रिब्दीकोटमा २, निस्दी गाउँपालिकामा १ जना कोरोना संक्रमित थपिएका हुन् ।
संक्रमण हुनेमा १४ वर्षका बालबालिकादेखि ६९ वर्षका वृद्धसम्म रहेका छन्। अधिकांश युवा रहेका छन् । योसँगै पाल्पामा सक्रिय कोरोना संक्रमितको संख्या १ सय ९८ पुगेको छ । संक्रमितमध्ये १६ जना अस्पतालमा उपचाररत छन् भने १ सय ८२ जना होम आइसोलेसन रहेका छन् । संक्रमितसँग नजिक रहेकाहरुको कन्ट्रयाक ट्रेसिङ नभएकाले यो संख्या अझै थपिने अनुमान गरिएको छ ।