विजयकुमार बौडेल –
६ भाद्र – पुर्व प्रधानमन्त्री तथा नेकपा एकिकृत समाजवादीका सम्मानित नेता झलनाथ खनालले यो चुनावमा ठुलो शक्ति हुने र सरकार नै बनाउने अपेक्षा नभएको बताउनुभएको छ ।
नेकपा एकिकृत समाजवादी पाल्पाले तानसेनमा गरेको स्वागत कार्यक्रममा नेता खनालले यस्तो बताउनुभएको हो । पार्टी भर्खरै जन्मिएको अवस्थामा भएको भन्दै नेता खनालले निरन्तरको संगठन विस्तारले कुनै दिन पाल्पा जिल्ला लाल किल्ला बनाउने संकल्प पुरा हुने बताउनुभयो ।
“मुठ्ठी भरका मान्छेहरुमा अर्बौ सम्पत्ती छ । धेरै नेपालीहरु निम्न आयस्तरमा छन् ।” नेता खनालले भन्नुभयो । “यो वर्गिय भिन्नता हटाउनुपर्ने छ । वर्ग संर्घषको लडाँईको जिम्मेवारी नेकपा एसमा छ । नयाँ ढंगले पाँच दलिय गठबन्धन होसियारीका साथ अघि बढ्नुपर्ने छ ।” समाजबादी क्रान्तीको अन्तिम संघर्ष बाँकी भएको भन्दै बहस र विबादले अनेक शक्ति जन्मने नेता खनालले बताउनुभयो ।
नेता खनालले समाजवादको बारेमा परिकल्पना गरेको भन्दै अहिले निर्वाचनको तयारीमा भएकाले गठबन्धनले पक्कै पनी निकास दिने बताउनुभयो । बामपन्थी आन्दोलनमा मै हुँ भन्नेहरुको अहमता भएका कारण बाम एकता हुन नसकेको नेता खनालको भनाई छ ।