श्रम गर्ने भोकै, श्रमिक दिवस नेतालाई राजनिती

Please follow and like us:
0


विजयकुमार बौडेल –
बोली । १८ बैसाख – दैनिक १२ घण्टा भन्दा धेरै समय काम गर्ने वास्तविक श्रमिकहरुले पत्तो नपाईकन अन्तराष्ट्रिय श्रमिक दिवस सम्पन्न भएको छ ।

औपचारिक रुपमै विदा दिई सरकारी तथा गैह्रसरकारी संस्थाहरुले रकम खर्चेर औपचारिक तथा अनौपचारिक कार्यक्रम गरेर श्रमिक दिवस मनाएका छन् तर वास्तविक श्रमिकहरुलाई श्रमिक दिवसको पत्तो छैन् । हिँजो बिहानै हातमा नाम्लो लिएर भारी बोक्न पाईन्छ कि भनेर तानसेन बसपार्क आईपुग्नुभएका मान बहादुर विकले भन्नुभयो :–“बजार नै सुनसान छ, भारी बोक्न पनी पाईएन । खै के को बन्द छ रे । सरकारी कार्यालय नखुल्दा बजारमा मान्छे नै आउन्नन् ।” मलिनो हुँदै विकले भन्नुभयो :–“भारी बोकाउने साहु पाईएन भने साँझ घरका चिचिलालाई खै के खुवाउने हो ।”
तर प्रमुख राजनीतिक दल सम्बद्ध मजदूर संगठनहरुले भने सदरमुकाममा अलग अलग सभा, भाषणबाजी र गोष्ठी गरि अन्तराष्ट्रिय श्रमिक दिवस मनाएका छन् ।


नेकपा निकट अखिल नेपाल ट्रेड युनियन महासंघ र नेपाली काँग्रेस सम्बद्ध नेपाल ट्रेड युनियन काँग्रेसले भिन्ना भिन्नै कार्यक्रम गरी १ सय ३० औ अन्तराष्ट्रिय श्रमिक दिवस मनाएका हुन् । सदरमुकाममा श्रमिक दिवस मनाउनेहरुमा अधिकांश व्यक्ति व्यापारी र राजनैतिक दलका नेताहरु छन् ।
उद्योग, प्रतिष्ठान, व्यवसाय र श्रमिकको सूचिकरणलाई कडाईका साथ अघि बढाउन पनि सरकारले मजदूरहरुको न्युनतम पारिश्रमिक १३ हजार ४ सय ५० रुपैयाँ निर्धारण गरेको छ । तर मासिक ८/१० हजार समेत नकमाउने श्रमिकहरुलाई श्रमिक दिवसको बारेमा थाहा नै छैन ।

ज्यालामजदुरी गरेरै ५ जनाको परिवार जेनतेन पालिरहेका तानसेन ९ का पुर्ण बहादुर रुचालले भन्नुभयो :–“जे जे दिवस भएपनी काममा नगई साँझ खान छैन । दुखीका दिन कहिले सकिएला र खै ?” निन्याउरो हुँदै रुचालले भन्नुभयो :–“जुन सरकार आएपनी हामीलाई सधै उस्तै । हाडछाला नघोंटी हातमुख जोर्न पुग्दैन ।”
विश्वका मजदुरले यो दिवसलाई विशेष पर्वका रुपमा लिँदै गुणस्तरीय जीवन बिताउन आफ्ना सुविधाको समयानुकूल बढोत्तरी तथा आफ्ना अधिकारको सुनिश्चितताका लागि सरकार र रोजगारदातालाई दबाब दिने उद्देश्यले विभिन्न कार्यक्रम गरी मनाउँछन् तर नेपालमा रोजगारदाता, उद्योगी, व्यापारी र राजनैतिक दलका नेताहरुलाई मात्र श्रमिक दिवस लागेको छ ।


सरकारले सामाजिक सुरक्षा योजनामा सहभागी हुने श्रमिकले औषधोपचार, स्वास्थ्य तथा मातृत्व सुरक्षा योजना, दुर्घटना र अशक्तता सुरक्षा योजना, आश्रित परिवार सुरक्षा योजना र वृद्ध अवस्था सुरक्षा योजना अन्तर्गत आर्थिक सहायता प्राप्त गर्ने गरि कार्यक्रम अघी सारेको छ । तर ५ नं. प्रदेशका १ प्रतिशत भन्दा कम रोजगारदाताले मात्र सामाजिक सुरक्षा योजनामा आफ्नो संस्थालाई प्रक्रियामा लगेका छन् ।


आठ घण्टा काम, आठ घण्टा आराम र आठ घण्टा मनोरञ्जनको माग गर्दै अमेरिकाको शिकागो शहरमा मजदूरहरुले गरेको प्रदर्शनका क्रममा ज्यान गुमाएका चार जना श्रमिकको सम्झनामा सन् १८८९ को मे १ देखि विश्व मजदूर दिवस मनाउन थालिएको थियो । तर अझैपनी नेपालमा श्रमिकहरुको अवस्था दयनिय रहेको छ । शिक्षा, स्वास्थ्य, आवास लगाएतका विषयमा श्रमिकहरुको अवस्था नाजुक छ ।

4 thoughts on “श्रम गर्ने भोकै, श्रमिक दिवस नेतालाई राजनिती

  • May 8, 2019 at 12:07 am
    Permalink

    Ahaa, its nice dialogue regarding this paragraph here at this webpage, I have read all that,
    so now me also commenting at this place. I’ll immediately seize your rss feed as I can not
    in finding your e-mail subscription link or newsletter service.
    Do you have any? Please let me recognise in order that I could subscribe.

    Thanks. I’ve been browsing online more
    than three hours today, yet I never found any interesting article like yours.
    It is pretty worth enough for me. In my view, if all website owners and bloggers made good content as you did, the internet will
    be much more useful than ever before. http://aoc.com/

    Reply
  • May 13, 2019 at 12:10 pm
    Permalink

    Wow that was odd. I just wrote an really long comment but after I
    clicked submit my comment didn’t appear.
    Grrrr… well I’m not writing all that over again. Anyway,
    just wanted to say great blog! https://Www.post2015Hlp.org/

    Reply

Leave a Reply

Your email address will not be published.