पाल्पा- तानसेन नगरपालिका शिक्षा शाखाले आयोजना गरेकाे माध्यमिक तह स्तरिय अनलाइन वादविवाद प्रतियोगितामा दमकडा माध्यमिक विद्यालय प्रथम भएको छ ।
विज्ञान वरदान कि अभिशाप भन्ने विषयक वादविवाद प्रतियाेगितामा दमकडा नमूना माध्यमिक विद्यालयका छात्रा विनिता पराजुलीले गहन प्रस्तुति देखाइ प्रथम स्थान हासिल गर्न सफल हुनुभएको हाे । काेभिड १९ र बन्दाबन्दीका कारण अनलाइनमार्फत सञ्चालन गरिएको बादविवाद प्रतियोगितामा जनता माध्यमिक विद्यालयका छात्रा सदिक्षा ढकाल दोस्रो र सेन्ट कपितानियाे स्कूलका प्रेक्क्षा पौडेल तेस्रो स्थान हुन सफल भएका छन् ।
तानसेन नगरपालिकाका १८ विद्यालयकाे सहभागिता रहेकाे साे प्रतियाेगितामा विज्डम बाेडिङ बाँसटारीका प्रविण बस्याल , न्यू हाेराईजनकी विज्ञा तिमल्सेना र देववाणी संस्कृत तथा साधारण माविकी अर्चना ज्ञवाली सान्त्वना भएका छन् ।
तानसेन नगरपालिकका प्रमुख अशाेक कुमार शाहीकाे प्रमुख आतिथ्यता र उपप्रमुख लक्ष्मी पाठककाे विशिष्ट आतिथ्यतामा सम्पन्न कार्यक्रममा शिक्षा शाखा प्रमुख रेशमलाल न्याैपाने,प्याब्सन पाल्पाका अध्यक्ष भरत प्रसाद न्याैपाने, दमकडा माविका प्रअ माेहन सापकाेटा,प्यारागन बाेर्डिङका प्रिन्सिपल गंगा बहादुर खत्री , जनता माविका शिक्षक राम प्रसाद ढकाल लगायतले मन्तव्य व्यक्त गर्दै वादविवाद प्रतियाेगिताले लकडाउनकाे समयमा निष्कृय जस्तै भएका विद्यार्थीहरुलाई केही हदसम्म् कृयाशील बनाएकाे विश्वास व्यक्त गर्नुभयाे ।
कार्यक्रममा बाेल्दै प्रमुख अतिथि शाहीले प्रतियोगिताले विद्यार्थीहरूकाे क्षमता अभिबृद्वि गर्नुका साथै शैक्षिक विकासमा याेगदान पुग्ने विश्वास व्यक्त गर्नुभयाे । प्रतियाेगिताकाे निर्णायककाे भूमिकामा शिक्षा शाखा अधिकृत रेशमलाल न्याैपाने,स्राेतव्यक्ति लक्ष्मी ढुङ्गाना,समितिका सदस्य भावना खनाल रहनुभएकाे थियाे ।
प्रतियाेगितामा प्रथम हुनेले ५ हजार ,द्वितीय हुनेले ४ हजार र तृतीय हुनेले ३ हजार र सान्त्वनाले १ हजार प्राप्त गरेका छन् । जुम एप्लिकेशनबाट सञ्चालन भएकाे कार्यक्रमकाे सहजीकरण सूचना प्रविधि अधिकृत प्रकाश गैरेले गर्नुभएकाे थियाे । अतिरिक्त कृयाकलाप समितिका अध्यक्ष कृष्ण बहादुर थापाकाे सभापतित्व र सदस्य कृष्ण मल्लकाे सञ्चालनमा कार्यक्रम चलेकाे थियाे ।
