तानसेन ७ सालघारीमा विङगर भ्यान दुर्घटना, एघार घाइते

तानसेन । तानसेन नगरपालिका ७ सालघारीमा आज विहान विङगर भ्यान दुर्घटना हुँदा ११ जना यात्रु घाइते भएका छन् ।

काठमाडौँबाट कुन्सरेतर्फ आउँदै गरेको लु १ ज २९९२ नम्बरको भ्यान विहान पौने १० बजे दुर्घटना हुँदा चालकसहित ११ जना घाइते भएका छन् । घाइते हुनेहरुमा तानसेन ७ कुन्सरे निवासी वर्ष २९ को नरबहादुर कुमाल, २८ वर्षिय बिक्रम गैरे, ४३ वर्षिय प्रेमबहादुर बाकाबल, ३२ वर्षिय हुमबहादुर सारु, ३३ वार्षिय बिक्रम नेपाली, २१ वर्षिय अर्जुन पल्ली, ३० वर्षिय सोमबहादुर न्यौपाने, २८ वर्षिय योगेश सारु, ३३ वर्षिय पवनकुमार गाहा, ३५ वर्षिय सन्तोष गैरे र तानसेन ६ बस्ने ३३ वर्षिय चालक सोम राना हुनुहुन्छ ।

घाइतेहरु सबैको अहिले लुम्बिनी मेडिकल कलेजमा उपचार भइरहेको छ । घाइते ११ मध्ये १ को अवस्था गम्भीर रहेको जिल्ला प्रहरी कार्यालय पाल्पाले जनाएको छ । गाडी सडकबाट १५ मिटर तल खसेको छ ।