सामुदायिक रेडियो पाल्पाले आफ्नो रजत महोत्सवको सिलसिलामा दमकडा नमुना माध्यमिक विद्यालय दमकडा पाल्पाका दृष्टि विहिन शाखाका सम्पुर्ण विद्यार्थीहरुलाई आज भोजन दान गरेको छ ।
कार्यक्रममा सहभागी रेडियोका अध्यक्ष झपेन्द्र वहादुर जि.सी. विद्यालयका अध्यक्ष राजेश कुमार अर्याल, प्रधानध्यापक मोहन प्रसाद सापकोटा तथा रेडियोका कार्यकारी निर्देशक गुणाकर अर्यालले रेडियो मदनपोखरा र दमकडा मा.वी. विचको दीर्घकालीन सुसम्वन्ध र समय समयमा सम्पन्न गर्दै आएका विभिन्न सहकार्यको चर्चा गर्नु भएको थियो । यो अन्योन्याश्रित सम्वन्धलाई भविश्यमा पनि दिगो राख्ने कुरालाई सवैले जोड दिनु भयो ।
दृष्टिविहिन विद्यार्थीहरुको तर्फवाट कक्षा ११ मा अध्ययनरत जगत कुंवरले विद्यार्थीहरुको जिवनमा सामुदायिक रेडियो मदनपोखरा पाल्पाले पारेको सकारात्मक प्रभावको उल्लेख गर्दै रेडियो को प्रगति र रजत महोत्सवको पूर्ण सफलताको शुभकामना दिनु भयो । विद्यालयका प्रद्यानध्यापक मोहन सापकोटाले विद्यालयको तर्फवाट रेडियो लाई मायाको चिनो समेत प्रदान गर्नु भयो ।
