सामुदायिक रेडियो मदनपोखरा
सामुदायिक रेडियो मदनपोखरा


Breaking
रम्भाले स्थापना गर्यो ५० शैयाको क्वारेन्टाईन रिब्दीकोटले बन्द गर्यो विद्युतिय हाजिरी रम्भाले गर्यो सबै विद्यार्थीको दुर्घटना विमा रिब्दीकोटमा कोरोना सचेतना र निशुल्क माक्स वितरण रिब्दीकोटको चिस्यान केन्द्रमा राखिएका सुन्तला दोब्बर मुल्यमा बिक्री शाखा खोलेर गैरकानुनी कारोबार गर्दै लालीगुराँश सहकारी कोरोनाको हल्लाले पाल्पामा मास्क अभाव पर्यटकको आतिथ्यतामा सुधार गर्न पाल्पाका होटल व्यवसायिलाई अनुरोध बन्दिपोखरामा बैंकबाट सामाजिक सुरक्षा भत्ता रम्भामा एक घर एक धारा अभियान तिव्र बगनासकाली द्धारा ५० प्रतिशत अनुदानमा मौरीपालन सामग्री वितरण एन आई सी एशिया बैंकद्धारा विमा दावी रकम प्रदान मेला महोत्सव नगर्न जिल्ला प्रशासन कार्यालय पाल्पाको अनुरोध पाल्पा चिनाउन पोखरामा डिजिटल स्क्रिन पाल्पा महोत्सव : माटो परिक्षण गराउन किसानको भिड पाल्पा महोत्सव : टपरीमा स्वादिष्ट ममको व्यापार भ्याई नभ्यााई पाल्पा महोत्सवमा गोरु नारेर पेलेको अर्गानिक खुदो (फोटोफिचर) पाल्पा महोत्सवमा महिलाहरुको खानाघर आकर्षणको केन्द्र दमकडामा पाल्पा महोत्सवको भव्य उद्घाटन ओके बाजेद्धारा रेडियो मदनपोखरामा उत्कृष्ट उद्यमी अक्षयकोष स्थापना सहकारिको तरकारि बोकेको जिप दुर्घटना पत्रकार महासंघ पाल्पाको सदस्यमा थप ९ जना सिफारिस फरक क्षमताका विद्यार्थीलाई रिब्दीकोटको न्यानो कपडा पराेपकारी संगिता : विद्यार्थी र वृद्धहरु संग जन्मदिन छाेराकाे जिवन विमा बन्याे बयम्बुकाे जिउने आधार रिब्दीकोटमा आउँदो बर्ष सबै घरमा धारा चापपानीको पिपल काण्ड नालीबेली श्रीपञ्चमीको अवसरमा दमकडा माविमा अक्षरारम्भ पाल्पा महोत्सव २०७६ को तयारी तिब्र स्थानिय तहले गरेका कामको प्रचार हुन सकेन : रिब्दीकोट अध्यक्ष जिसी विजय दौड पाल्पामा बेलायती देखी जापानी नागरिक (फोटोफिचर) पर्यटन बर्ष प्रवर्द्धनका लागी पाल्पामा दौड प्रतियाेगिता हुने नेकपा पाल्पाको अध्यक्षमा आचार्य, नेतृत्व चयनले कार्यकर्ता उत्साहित हिन्दुको भगवान मानिने डेढसय गाई ऋिषिकेश मन्दिर परिसरमा बेवारिस कालीगण्डकीमा र्याफ्टिङ उत्सव नुवाकोटमा युद्ध स्मारक पार्कको शिलान्यास पाल्पामा १७ बैशाखदेखि निषेधाज्ञा पाल्पा अस्पतालमा पन्ध्र बेड थपिने पाल्पामा कोरोना संक्रमण दर बढ्दाे मैत्रीपुर्ण खेलमा नेपाली क्रिकेट समर्थक समाज पाल्पा विजयी

नयाँ वर्षको पात्रो, पात्र र प्रवृति

राजेशकुमार अर्याल नयाँ वर्षसँगै पात्रो फेरियो । २०७६ सालको पात्रो सिंहदरबारदेखि घरबारसम्म सबै ठाउँमा झुण्डियो । पाल्पा दरबारसँगै नगरबासीका मझेरीमा नयाँ पात्रो राखियो । संविधानको मर्मअनुसार तीन तहकै सरकारमा नयाँ पात्र आएका छन् । पात्रो र पात्र फेरिए जसरी प्रवृति पनि फेरिनुपर्ने जनचाहना देखिन्छ । पाल्पाली र तानसेनबासीका आशा र अपेक्षा यस्तै सुनिन्छन् । स्थानीय, प्रदेश र संघीय सरकार एउटै लयमा हिंडुन् र गति तिब्र पारुन् भन्ने शुभेच्छा राखेका छन् ।

लुम्बिनी भ्रमण वर्ष घोषणा गरेका मुख्यमन्त्री शंकर पोखरेल नयाँ वर्षको दिन पारेर रानीमहल, रिडी र श्रीनगर घुम्न आए । घुम्न अरु धेरै नागरिक आए, सर्वसाधारण आए । अनौपचारिक रुपमा घुम्न निस्केका मुख्यमन्त्रीले पाल्पालाई पर्यटकीय गन्तव्यका रुपमा विकास गर्न आवश्यक पूर्वाधारका बारेमा सरोकारवालासँग अन्तक्र्रिया गरे । पाल्पा दरबार संग्रहालय, रानीमहल, रुरुक्षेत्र हृषिकेश, भैरवस्थानलगायतका स्थलहरुको यथार्थ अवस्था बुझ्ने कोशिस गरे । सडक बिस्तार गर्ने नगरपालिको सोचमा ऐक्यवद्धता जनाए, नगरबासीलाई आजको पेटी चिन्ता गर्न छाडेर भविष्यको पर्यटन व्यवसायमार्फत् समृद्धि देख्न प्रेरित गरे । तानसेनको हरियाली र सुन्दरताको बखान गाए । तर हरियालीभित्र थुप्रिएको प्लाष्टिक र माटोको अव्यवस्था रोक्न अपिल गरे । रानीमहलको बगैंचा व्यक्तिको स्वामित्वमा पुगेको सन्दर्भमा चिन्ता प्रकट गरे ।

मुख्यमन्त्रीले सार्वजनिक सम्पत्तिको संरक्षण गर्ने अभिभारा बोक्न समुदायलाई अभिप्रेरित गरे । दरबार संग्रहालय परिसरमा बढिरहेका सरकारी भवन निर्माण रोक्न, जथाभावी संरचना नबनाउने वातावरण बनाउन सुझाव दिए । राज्यको दोहन गरेर व्यक्तिले लिने होइन, व्यक्तिले इमान्दारीपूर्वक कमाउने र राष्ट्रका लागि त्याग गर्ने भावना बढाउन हौस्याए । बिरोधको मानसिकतालाई समर्पण, त्याग र विश्वासको वातावरणमा बदल्न सकिन्छ भन्ने सन्देश प्रवाह गर्न पठाए ।

पाल्पा सडक सञ्जालसँग जोडिने आधार बनेको छ । करिव ५० वर्ष अगाडि बनेको सिद्धार्थ राजमार्ग ४ लेनको बनाएर लुम्बिनी पोखरा जोड्ने सोच बढेको छ । उत्तर दक्षिणका देशसँग जोडिने कालिगण्डकी करिडोरको निर्माण कार्यले तिब्रता लिएको छ । मदन भण्डारी लोकमार्ग र कृष्णसेन आश्रित मार्ग जस्ता सडकका कार्य पनि प्रारम्भ भएका छन् । खानेपानी र विजुलीवत्तीको सुविधा थपिदै छन् ।

पाल्पा दरबार संग्रहालय यो प्रदेशकै संग्रहालयका रुपमा प्राथमिकता पाएको छ । रानीमहल नगर सरकारलाई हस्तान्तरित भएको छ । लोन्ली प्यानेटलगायत साइटहरुले पाल्पालाई पर्यटनसँग जोडेका छन् । रानीमहलमा आन्तरिक पर्यटक बढेका छन् । रानीमहल, श्रीनगर, गुफाचौर, हृषिकेश, मदनपोखरा, भगवती, टक्सारटोलले पर्यटनका क्षेत्रमा अग्रसरता लिन थालेका छन् । पर्यटन पूर्वाधारमा लगानीको प्राथमिकता परेको छ । बाह््य लगानीकर्ताको आँखा पनि यो हिल स्टेशनमा परेको छ । तानसेनको पर्यटन प्रवद्र्धनका लागि सम्भाव्यता अध्ययन अगाडि बढेको छ । नगरको विकासका लागि पर्यटन एउटा महत्वपूर्ण आधार हो भन्ने ठम्याई छ ।

तानसेनको परिचय र पहिचान वास्तवमै प्राचीनता हो । ऐतिहासिक, पुरातात्विक र कलात्मक महत्वका स्मारक नै यहाँका सम्पत्ति हुन् । नागरिकमा प्राञ्जल भाषा शैली र शिष्ट व्यवहार हुन् । सुन्दर र मनोरम वातावरण दिएको प्रकृतिले तानसेनलाई वास्तवमै सुनको ढिस्कोका रुपमा उभ्याएको छ ।

पात्रो भनेको देशको समय हो । पात्र भनेका निर्वाचित जनप्रतिनिधि हुन् । प्रवृत्ति भन्नाले नेतृत्वको चरित्र हो । पर्यटकीय गन्तव्यरुपी सुनको ढिस्कोमा उभिएको तानसेनमा बसेर गिल्टीको बटुको थाप्ने कि के गर्ने नगरबासीले पनि सोच्न पर्ने बेला आएको छ । भाषण गर्दा वा पर्चा लेख्दा प्राचीन तानसेन भनेर मात्र पुग्दैन । प्राचीन हुनाको पन वा गुण जीवन्त राख्ने हो भने तानसेनले अब धेरै कुरामा सच्चिनुपर्छ । शुभकामना ।