तानसेन नगरपालिका ९ नं. वडा कार्यालय दमकडा, पाल्पाद्वारा आयोजित वार्षिक प्रगति समीक्षा कार्यक्रम सम्पन्न भएको छ । कार्यक्रमका प्रमुख अतिथि जिल्ला समन्वय समितिका उपप्रमुख श्री काशिका ज्ञवाली, विशिष्ट अतिथि तानसेन नगरपालिकाका प्रमुख प्रशासकीय अधिकृत हरिराम नागिलालगायतले समीक्षा कार्यक्रमको महत्त्व र प्रभावका बारेमा चर्चा गर्दै शुभकामना व्यक्त गर्नुभयो ।
आर्थिक वर्ष २०८०/०८१ मा उपभोक्ता समितिमार्फत् सञ्चालित योजनाहरू मध्ये उत्कृष्ट कार्यसम्पादन गर्ने मदनपोखरा संगम बहुउद्देश्यीय सहकारी संस्था लिमिटेड (कृषि मेला), एक्लेपीपल डिसिनडाँडा माडीफाँट चिदियापीपल सडक, प्रगतिटोल दमकडा ढलान, भँगाहापोखरा सिरसिरे सडक, दमकडा अँगारेकुण्ड मोटरबाटो उपभोक्ता समितिलाई पुरस्कृत गरिएको छ ।
कार्यक्रममा वडा कार्यालय, कृषि सेवा केन्द्र, पशु सेवा केन्द्र, मदनपोखरा स्वास्थ्य चौकीलगायत विभिन्न उपभोक्ता समितिहरूले आ-आफ्ना कार्यक्रम र उपलब्धिका विषयमा प्रकाश पारेका थिए ।
